ناوەندی هەواڵگری ئیسرائیل مووساد بە بەرپرسانی ئەمنیی ئاڵمان و دانمارک و هۆڵەندیان راگەیاندووە کە ژمارەیەک تیرۆریستی سەر بە کۆماری ئیسلامی ئێران دەیانەوێ هێرش بۆ سەر بنکەی یەهوودییەکان لە رۆژئاوای ئورووپا بکەن.
ماڵپەری فوکوس ئۆنلاین لە راپۆرتێکدا ئاشکرایکردووە کە مووساد وڵاتانی ئوروپایی ئاگادارکردووەتەوە کە ئەگەر هێرشی سەربازی بۆ سەر ئێران بکرێت، ئێران چەندین شوێنی یەهوودییەکان کە پێکهاتوون لە بالیۆزخانە، کونسوڵگەرییەکان، کەنیسەو دامەزراوەکانی پەروەردەی یەهوودییەکان دەکاتە ئامانج. بۆ ئەو مەبەستەش چەندین کۆماندۆی لە تارانەوە رەوانەی ئورووپا کردووەو ئێستا خەریکی ئامادەکارین بۆ ئەوەی کارەو بەتایبەت لە ئاڵمان دامەزراوە نهێنییەکانی ئێران رێکخراون و لەئێستادا موسوڵمانی هەندێک وڵاتیش بەکاردەهێندرێن و پاکستانییەکانیش بۆ ئێرانییەکان باشترین بژاردەن.
