بەپێی زانیارییەکانی رۆژهەڵات نیوز لە دوو رۆژی رابردوودا نوێنەری ٧ حیزبی رۆژهەڵاتی کوردستان لە بەرزترین ئاستدا کۆبوونەوەو باسی یەکریزی و دۆخی ئێستای ناوچە، ئێران و کوردستانیان تاووتوێ کرد. رۆژهەڵات نیوز زانیویەتی هەندێک لە حیزبەکان لەئاستی کەسی یەکەم بەشدار بوونەو دوو لایەنیش بەهۆی ئەوەی کەسی یەکەمیان لەشوێنی دیکە بووە، لەئاستی دەفتەری سیاسیی بەشدار بوونە. لەکۆبوونەوەی ٧ لایەنی رۆژهەڵاتی کوردستان باس لە میکانیزمەکانی دروستکردنی یەکریزی لە ماوەیەکی کەمدا کراوە، هاوکات لایەنەکان تێگەیشتنی خۆیان لە دۆخی ئێستا باسکردووە، بۆ ئەوەی بتوانن بگەنە تێگەیشتنێکی هاوبەش بۆ باردوخۆی ئێستا و داهاتوو. سەرچاوەیەکی ئاگادار بە رۆژهەڵات نیوزی وت، کۆبوونەوەکان بەردەوام دەبن، بڕیاریشە وەفدی هاوبەش بۆ ساغبوونەوە لە سەر رەشنووسێک بۆ دروستکردنی ناوەندێکی هاوبەش پێکبهێنن.
.jpg)
